之前斷左貨一段時間既《乾杯》、《洞察掀機》同《富饒之城(新版)》返左貨啦！另外都返左《地城勇士》，今個新年唔怕拜年冇野玩啦！
乾杯🥂 玩家輪流係各個酒杯中放入酒、毒藥或解藥，D杯又會調黎調去，你最後可以揀到一杯冇毒既酒生存落黎嗎？
洞察掀機🔍 玩家要靠一個個洞睇到既一小部分去估張圖畫乜，每次擲骰都可以睇多少少，但同時又會越黎越低分。只要你有一窺全豹既洞察力，勝利非你莫屬！
富饒之城🕌 藉住邀請重要人物去幫自己建設城鎮或妨礙他人，鬥快起夠7幢建築之後鬥高分！富饒之城本身就係全球銷量極高既作品，而哩款新版將所有卡片重畫，仲加入左新擴充！鐘意經典策略遊戲既你不容錯過！
地城勇士🎯 玩家扮演一群被抓既騙子英雄，必須打贏地下城既王先可以重獲自由！戰鬥方法係將粒骰掟入標靶上，一失手就會被反擊！但有時你必須合埋眼掟、跳起掟、轉轉圈掟，甚至係用鼻掟！到底你會打贏魔王，定從此葬身地下城？拜年聚會必選之作！